Aksie-duimgids
Die Aksie-duimgids groepeer die funksies en aksies soos volg:
🞙Meesterlêers – Debiteur-, krediteur- en grootboekrekeninge, kontakte, voorraaditems, afsprake, take, ens.
🞙Transaksies - Prosessering van verkoopsdokumente (d.i. fakture, kredietnotas en kwotasies) asook aankoopdokumente (d.i. aankope, verskafferretoere en bestellings) en transaksies in joernale.
🞙Periodieke prosessering – Bankrekonsiliasie, wederkerende transaksies en wederkerende fakture. Oopitem rekeninge se koppelings en ontvangste- asook betalingstransaksies kan ook geprosesseer word.
🞙Soek – Soek spesifieke data en druk van transaksies en dokumente, ens.
🞙Hulp – Inisieer die hulplêer, skakels na webtuistes (forum, foutrapportering, webwinkel), ondersteuning details, ens.
Die volgende sewentien (17) opsies is beskikbaar:
1.Dokumente – Soek, sorteer, filter, prosesseer, druk verkoopsdokumente (d.i. fakture, kredietnotas en kwotasies) asook aankoopdokumente (d.i. aankope, verskafferretoere en bestellings).
2.Debiteure – Skep, redigeer, skrap en stel rekeninge vir debiteure (kliënte / klante) onaktief of aktief. U kan ook vir 'n geselekteerde debiteur (kliënt / klant) dokumente druk, transaksies ontleed, afsprake kontakte, ens., naslaan.
3.Krediteure – Skep, redigeer, skrap en stel rekeninge vir krediteure (verskaffers) onaktief of aktief. U kan ook vir 'n geselekteerde krediteur (verskaffer) dokumente druk, transaksies ontleed, afsprake kontakte, ens., naslaan.
4.Voorraaditems – U kan tot elf (11) tipes voorraaditems skep, redigeer, opstel, skrap en voorraaditems onaktief of aktief stel.
5.Joernale – Prosesseer transaksies in joernale. U kan ook verslae vir geposteerde joernale druk.
6.Rekonsiliasie – Rekonsilieer transaksies in betalings en ontvangste joernale met bankrekeninge met bankstate.
7.Oopitem koppel – Prosesseer, redigeer, skrap koppelings vir grootboekrekeninge, debiteur- en of krediteurrekeninge wat as oopitem rekeninge gestel is. U kan ook die betalingsdatums aanpas en / of transaksies (kwitansies / betalingsadviese) prosesseer.
8.Kontakte – Soek, skep, redigeer, skrap kontakpersone.
9.Kalender – Die kalender (beplanner) kan gebruik word om algemene afsprake, afsprake vir debiteure (tot 6 kategorieë) en afsprake vir krediteure te skeduleer, by te voeg, te redigeer, of te skrap. Wederkerende fakture en die opsie om kwotasies / fakture te genereer vir afsprake, kan ook deur middel van die kalender gedoen word. Verder kan u ook kontakte en take skep, redigeer of skrap.
10.Rekeninge – Skep, redigeer of skrap grootboekrekeninge (inkomste / uitgawe, bank en BTW-rekeninge). Begroting syfers kan ook vir rekeninge ingesleutel en / of geredigeer word.
11.Opdateer grootboek - Opdateer (posteer) verkoopsdokumente (d.i. fakture, kredietnotas en kwotasies) asook aankoopdokumente (d.i. aankope, verskafferretoere en bestellings) en transaksies in joernale na die grootboek.
12.Hulp – Die volgende agt (8) opsies is beskikbaar:
a)Hulp – Inisieer die TurboCASH5 Hulp-lêer.
b)Oor TurboCASH – Vertoon die weergawe en datum van TurboCASH5 asook asook die weergawe van u bedryfstelsel.
c)Programondersteuning – Vertoon die kontakbesonderhede vir ondersteuning met die TurboCASH program.
d)Wys welkom - By verstek, sal die “Welkom by TurboCASH” skerm outomaties die TurboCASH webtuiste vertoon.
e)Aanlyn registrasie - Registreer TurboCASH.
f)Forum – Besoek gerus ons Forum. U kan moontlik oplossings vir u vrae vind en enige vrae wat u mag het in die forum plaas.
g)Webshop – Besoek gerus ons webwinkel om die projek te ondersteun.
h)Foutrapportering – Sien, soek en filter vir foute, vordering, ens., op ons “bug-tracking” stelsel by Sourceforge. U kan gerus enige foute, versoeke, ens. hier plaas.
13.Redigeer – Die volgende drie (3) opsies is beskikbaar:
a)Wederkerende transaksies – Prosesseer of redigeer wederkerende transaksies in joernale.
b)Wederkerende fakture – Prosesseer fakture wat van 'n herhalende aard is.
c)Skrap – Skrap verkoopsdokumente (d.i. fakture, kredietnotas en kwotasies) asook aankoopdokumente (d.i. aankope, verskafferretoere en bestellings).
14.Invoer – Die volgende ses (6) opsies is beskikbaar:
a)Voorraad aansuiwering – Inisieer die “voorraaditem” skerm as 'n aparte skerm.
b)Bevestig – Bevestig en omskep kwotasies na fakture en bestellings na aankoopdokumente.
c)Uitstaande bestellings – Skep, redigeer en skrap uitstaande bestellings vir voorraaditems.
d)Verkoopsdokumente – Prosesseer en redigeer fakture, kredietnotas en kwotasies.
e)Aankoopdokumente – Prosesseer en redigeer aankope, verskafferretoere en bestellings.
f)PVV-fakture – Toegang tot die standaard punt-van-verkope sessie waarin punt-van-verkope fakture geprosesseer kan word.
15.Soek – inisieer die Ondersoeker om vir spesifieke data (byvoorbeeld, rekeninge, dokumente, transaksies, ens.) in 'n Stel Boeke te soek, filter. U kan ook sekere transaksies en dokumente druk.
16.Projekte - By verstek, is dié opsie nie geaktiveer nie.
17.“Workflow” (Werkvloei) – Dit is 'n kommersiële inpropprogram.